Arte- eta kultura-hezkuntzako programak egiten ditugu gazteekin, bai hezkuntza formalean, bai eta ez-formalean ere.
GizARTE sarea sustatzen dugu. Hezkuntzarekin, sormenarekin eta kulturaren kudeaketarekin lotutako pertsonak eta erakundeak biltzen ditu sare horrek, EAEn eraldaketa soziala bultzatzeko hezkuntza-programetan parte hartzen dutenak.

Kultura-ondarea osatzen duten elementu identitarioak ezagutzeko, sustatzeko eta ezagutarazteko lan egiten dugu. Horretarako, gogoeta- eta sentsibilizazio-jardunaldiak antolatzen ditugu, aholkularitza tekniko espezializatua ematen dugu eta arlo horrekin lotutako tokiko eta nazioarteko topaketetan parte hartzen dugu.

Lankidetzaren eta giza garapen iraunkorraren alorretan kultura sartzea sustatzen dugu, gaur egun eskubide kulturalen alorrean dauden erronkak bereziki zainduz: ondarearen suntsiketa eta horrek komunitateen nortasunean duen eragina; arterako askatasuna, hizkuntza-eskubideak eta pertsona guztiek bizitza kulturalera sarbidea izateko eta parte hartu ahal izateko eskubidea.