2030 Agenda. Analisia gizarte zibiletik

Uztail honetan, Espainiako Gobernuak Nazio Batuen aurrean aurkeztuko ditu gure herrialdean 2030 Agenda ezartzeari lotuta gauzatzeke dauden aurrerapausoak eta erronkak, bai horien etxeko bertsioan, bai nazioartekoan, Borondatezko Azterketa Nazionalaren bidez (ENV, gaztelaniazko siglen arabera).

Horretarako, Aurrerabide Txosten bat egin du, 2018an onetsitako ekintza‑planaren balantze moduan, eta horren eranskin gisa, Garapen Jasangarrirako Estrategia 2030 (EDS), zeina Espainian 2030 Agendaren abiarazpena gidatzeko programa‑dokumentu berria izango den.

Gobernuak NBEri kontuak emateko esfortzuaz harro bagaude ere, uste dugu anbizioa areagotu eta ekintzak bizkortu behar ditugula, 2030 Agendaren ezarpenaren bidez gure herrialdean benetako eraldaketa sozialak, ekonomikoak eta ingurumenekoak egiteko, eredu justuago eta jasangarriago baterantz abiatzeko.

Agenda onetsi eta ia sei urte geroago, Espainia amaitzen ari da hori ezartzeko oinarrizko aldamioak eraikitzen: bere lehen pausoak baliabide gutxirekin eta inolako prozedurarik gabe ematen ari den gobernantza bat; aurreko ekainaren 8an onetsitako nazio-mailako estrategia, zeina Gobernuaren beraren beste agenda estrategiko batzuek estaltzen duten; gap analysiaren falta (proposatutako eraldatze‑helburuentzako abiapuntuen eta helmugenarteko distantzia); eta 2030 Agendaren alderdi berritzaileenak neurtzeko oraindik amaitu gabeko aginte‑panel bat (garapeneko eta politikako dimentsioen arteko elkarreraginak, edo aurre egin beharreko erronka gehienen dimentsio anitzeko izaera).

Pertsona guztien eskubideak eta planeta ekintza politikoaren erdigunean jarriko dituen 2030 Agenda eraldatzaile baten alde 2015etik lan egiten ari den gizarte zibil baten fronte zabal gisa, Futuro en Común osatzen dugun erakundeokiritzi-dokumentu hau prestatu dugu Aurrerabide Txostenean jasotako edukiei eta berriki onetsitako Garapen Jasangarrirako Estrategiari buruzko gure ikuspegia emateko.

Etorkizunerako gomendioak ere bildu ditugu, behin Estrategia onetsita aurrera nola jarraitu esaten dutenak, etengabe hobetzeko, Gobernuak emandako dokumentuaren izaera “biziari” buruzko ideia aintzat hartuta eta gobernantza‑sistemaren organoen muinean sartu eta eztabaidatzeko proposamenak egiteko xedez.Era berean, berrikuspen- eta jarraipen-sistema indartzeko iradokizunak egin ditugu. Sistema horrek, Garapen Jasangarrirako Politiken Koherentziaren (CPDS) ikuspegitik,egindako aurrerabidea behar bezala neurtzea ahalbidetuko du.

Irakurri txosten osoa: MiradaSociedadCivilEspañolaA2030_Informe

X