Azken berriak
atzera ES|EN
Heziketa artistikoak hezkuntza formalean duen inpaktua neurtzea

Gure ustez, eskolan hezkuntzaren eta kulturaren arteko lankidetza-proiektu bat garatzeak, alegia, bi eremu horietako ezagutzak bateratzeak, eragin handia du, ikasgelatik harago doana, eta eskolari lotutako testuinguruaren eraldaketa soziala bultzatzen du.

Zalantzarik gabe, hipotesi horrek argudioak behar ditu, eta batez ere, jardunbidetik jasotako datuak.

Horretarako, UNESCO Etxeak koordinatu du zenbait adierazle sortzeko lana, lehen mailako hezkuntzan heziketa artistikoa eta kulturala garatzeko programak ebaluatu ahal izateko. Adierazle horiek lantzeko profesionalez osatutako talde heterogeneo bat elkartu du, unibertsitatean, lehen hezkuntzan eta bitartekotza artistikoan ari direnak (Regina Guerra, Oihane Gulin eta Teklak).

UNESCO Etxearen Lanerako Koadernoen 4. zenbakiak, Gizarte eraldaketarako arte eta kultura arloetako hezkuntza-programen ebaluaziorako adierazleak. Lehen maila izenburua erabiliz aurkeztu du heziketa artistikoak umeen garapenean duen inpaktua neurtzeko tresna ireki, dinamiko eta eraginkor hau.

Hezkuntza-komunitatea gonbidatzen dugu (irakasleak, zuzendaritza-taldeak, etab.) eta ikasgeletako heziketa artistikorako programetan ari diren artegintzaren arloko eragileak ere bai, adierazle-gida hau gogoan izan dezaten, lanerako erabil ditzaten adierazle horiek, proban jar ditzaten, eta emaitzak partekatu ditzaten.

UNESCO Etxean poz handiz jasoko ditugu horien emaitzak, zabaltzeko eta bideratzeko, eta tresna hobetzeko proposamenak ere bai, noski.

http://www.unescoetxea.org/irudiak/Logo_pdfnew.png Argitalpena

 

Informazio gehiago:
Bego Guzmán b.guzman@unescoetxea.org

 

 

 

Aurrekoa 

 

 

 

 

 

 

 

 

 

 

 

 

 

 

 

 

 

 



UOC PUNTUA
DAME 1 MINUTO
2030 AGENDA BULETINA
JASO GURE EKINTZAK
SOStenibles
EKOSISTEMEN ZERBITZUAK EUSKADIN
ELKARTU ZAITEZ
ESTRATEGIA DE EDUCACION PARA EL DESARROLLO


Laguntzaileak
Bizkaiko Foru Aldundia / Diputación Foral de Bizkaia

Eusko Jaurlaritza / Gobierno Vasco