Azken berriak
atzera ES|EN
Gazteentzako prestakuntza-bekak urdaibaiko biosfera-erreserban

Gazteak biosfera-erreserben etorkizuna dira, eta beren lurraldearen antolamenduan esku hartzeko aukera eman behar zaie, bai eta prestakuntza jasotzekoa ere, biosfera-erreserbak kudeatzen laguntzeko eta haien garapen iraunkorra sustatzeko.

Horregatik, UNESCO Etxeak, Natura Ondare eta Klima Aldaketa Zuzendaritzaren laguntzaz, ordaindutako 2 prestakuntza-beka eskaintzen ditu Urdaibaiko Biosfera Erreserban praktikak egin eta prestakuntza jasotzeko.

Zer sartzen da bekan?:

  • 4 hilabeteko prestakuntza praktikorako egonaldia (2017ko irailaren 1etik abenduaren 31ra) lanaldi erdira; gunea Urdaibaiko Biosfera Erreserbako Patronatuan izango da (Ekoetxea - Busturia).

  • Prestakuntza-plana.

  • Biosfera Erreserben arteko gazte-elkartrukean parte hartzea, gastu guztiak ordainduta izanik (2017ko irailaren 18tik 23ra, Poren Deltako Biosfera Erreserban, Italia)

  • Ordainsari gordina: 450 euro/hil

Besteak beste, zeregin hauek izango ditu beka jasotzen duenak:

  • MAB programako Biosfera Erreserben arteko gazte-elkartrukean parte hartzea Urdaibai ordezkatuz, UNESCO Etxearen laguntzarekin eta koordinazioarekin.

  • Bekarekin eta gazte-elkartrukearekin lotutako jardueretan parte hartzea (hitzaldiak, mahai-inguruak…).

  • “Beka amaierako lan” bat egitea, UNESCO Etxearen eta Urdaibaiko Bulego Teknikoaren laguntzarekin eta koordinazioarekin.

Hautaketa-irizpideak:

  • 18 eta 30 urte artean izatea (adin-tarte hori beka hasten den egunean izan behar da, hau da, irailaren 1ean).

  • Urdaibaiko Biosfera Erreserbarekin lotura bat izatea (bizilekua, lana, ekintzailetza, ikasketak, ikerketa, edo Urdaibaiko elkarteren bateko kide izatea).

  • Euskara-maila eta ingeles-maila altuak izatea.

  • Motibazioa eta komunikatzeko gaitasuna izatea.

  • Lehentasuna emango zaie langabezian daudenei.

Zer aurkeztu behar da?:

  • Curriculum vitaea.

  • Motibazio-gutuna.

  • Urdaibaiko Biosfera Erreserbarekin lotura bat ziurtatzen duen dokumenturen bat, hautaketa-irizpideetan adierazitakoa betetzen dela ziurtatzeko.

  • Langabezian egonez gero, egoera horren egiaztagiria.

Zure hautagaitza prestatzeko hurrengo weborriak bisitatzea gomendatzen zaitugu, informazio interesgarria ematen dute eta.

Bekeei buruzko aurkezpen saioak antolatu ditugu:

  • Uztailak 6, 11:00-12:00. Berhargintza, Bermeo.

  • Uztailak 7, 11:00-12:00. Kultur Etxea, Gernika.

Izena emateko: https://goo.gl/forms/QOT07uesoPOJVMwJ3

 

Zelan eskatu beka:

Bidali zure hautagaitza Aitana Uriari, a.uria@unescoetxea.org (gaia: “Urdaibai beka”).

Eskaera uztailaren 21era arte bidal dezakezu. Elkarrizketak uztailaren 26an eta 27an egingo dira. Uztailaren 28an jakinaraziko da nor hautatu diren.

Informazio gehiago: Aitana Uria, 944276432

 

http://www.unescoetxea.org/irudiak/Logo_UNESCO_Etxea_2017_300.jpg

http://www.ingurumena.ejgv.euskadi.eus/contenidos/informacion/economia_urdaibai/es_1074/images/logo.jpg

http://www.unescoetxea.org/irudiak/Logo_GV_ingurumena_2017.jpg

Colaboran:

http://www.unescoetxea.org/irudiak/Logo_Urremendi.jpg

http://www.unescoetxea.org/irudiak/Logo_Behargintza_Bermeo.jpg

http://www.unescoetxea.org/irudiak/Logo_Lanbide_Ekimenak.jpg

Aurrekoa 

 

 

 

 

 

 

 

 

 

 

 

 

 

 

 

 

 

 



UOC PUNTUA
2030 AGENDA BULETINA
DAME 1 MINUTO
SOStenibles
ELKARTU ZAITEZ
EKOSISTEMEN ZERBITZUAK EUSKADIN
ESTRATEGIA DE EDUCACION PARA EL DESARROLLO


Laguntzaileak
Bizkaiko Foru Aldundia / Diputación Foral de Bizkaia

Eusko Jaurlaritza / Gobierno Vasco