Azken berriak
atzera ES|EN
Oinarrizko ikastaroa sarean: "Ekosistemen Zerbitzuak eta Giza Ongizatea Euskadin"

Garapen Iraunkorrari eta Ingurumen Hezkuntzari buruzko UPV/EHUko UNESCO Katedrak eta UNESCO Etxeak ‘Ekosistemen Zerbitzuak eta Giza Ongizatea Euskadin’ oinarrizko ikastaroa sarean antolatu dute. Ikastaroa azaroaren 21etik (10.00) abenduaren 19ra (10:00) egongo da zabalik. Ikastaroa osatzeko 15 ordu beharko direla aurreikusten da.

EZAUGARRI OROKORRAK

- Gehieneko ikasle kopurua: 30

- Hizkuntza: Gaztelania

- Modalitatea: Sarekoa (moodle plataforma) gehi aurrez aurreko jardunaldi-tailerra (hautazkoa).

- Maila: Oinarrizkoa

- Kostua: Doakoa

- Iraupena: Azaroaren 21etik abenduaren 19ra. Ikastaroa osatzeko guztira 15 ordu beharko direla aurreikusten da. Aurrez aurreko jardunaldia abenduaren 15ean izango da, 16:30etik 19:00etara, Zubiria Etxean (Sarrikoko campusa, UPV/EHU).

- Izen-ematea: Azaroaren 18ra arte. Plazak baino izen-emate gehiago egonez gero, izena emateko hurrenkera hartuko da aintzat.


SARRERA

Ba al dakizu zein zerbitzu ematen dizkiguten ekosistemek? Zenbateraino gaude haien mende eta nola murritz dezakegu mendekotasun hori? Zer-nolako banaketa dute Euskadin? Nola laguntzen digute etorkizun iraunkorragoa lortzeko lurraldeari buruzko erabakiak hartzen? Ba al zenekien Euskadi nazioartean aitzindaria dela bere politiketan ekosistemen zerbitzuen kontzeptua aplikatzeari dagokionez?

Galdera horien erantzunak eta are gehiago aurkituko dituzu “Ekosistemen Zerbitzuak eta Giza Ongizatea Euskadin” izeneko sareko ikastaroaren 1. edizioan. Ikastaro horren helburua da ekosistemen zerbitzuen kontzeptua hurbiltzea eta Euskadiko ebaluazio azpi-globalaren ezaugarri nagusiak ezagutaraztea. Sareko edukiez gain, aurrez aurreko jardunaldi-tailer bat ere egingo da.

Ikastaroa interesa duten eragileentzat pentsatua dago; besteak beste, irakasleentzat, administrazio publikoetako zein enpresa pribatuetako ingurumen-teknikarientzat, interpretazio-zentroetako begiraleentzat, irakasleentzat eta abarrentzat. Ikastaroan, ekosistemen zerbitzuei buruzko hastapenak eta kontzeptu horrek politika publikoetan dituen aplikazioak ikasiko dituzte.


EDUKIAK

- Ekosistemen zerbitzuak eta azpiegitura berdea definitzea
- Nazioarteko testuingurua
- Ekosistemen zerbitzuak eta azpiegitura berdea, hornidura-zerbitzuak, erregulazio-zerbitzuak eta zerbitzu kulturalak
- Euskadiko ekosistemen zerbitzuen ebaluazioa
- Euskadiko ekosistemen zerbitzurik garrantzitsuenak identifikatzea eta balioestea


METODOLOGIA

- Sareko lanak ardatz hauek ditu: alderdi teorikoa irakurtzea (5 ikasgai), sakontzeko agiriak kontsultatzea, erreferentziazko webguneak aztertzea, foroetan eztabaidatzea eta banakako azken ebaluazio-jarduera bat egitea.

- Ikastaroa azaroaren 21etik (10.00) abenduaren 19ra (10:00) egongo da zabalik. abenduaren 5etik 11rako astean ez da ikasgairik ezarriko, baina foroa irekita egongo da. Ikastaroa osatzeko 15 ordu beharko direla aurreikusten da.

- Ikastaroa osatzeko (hautazkoa izango da), aurrez aurreko jardunaldi bat egingo da Bilbon. Bertan, kontzeptu nagusiak berrikusteaz gain, lan praktikoa egingo da, jarduera-tailerren bitartez. Jardunaldian parte hartzea gomendatzen dugu, azken ebaluazioa baino lehen zalantzak argitzeko abagune bikaina eta eztabaidarako tokia baita. Abenduaren 15ean izango da, 16:30etik 19:00etara, Zubiria Etxean (Sarrikoko campusa, UPV/EHU). Agirre Lehendakariaren etorbidea 81-48015 (Bilbo)

- Ebaluazioa: ikasleak ebaluazio-jarduera bat egin beharko du; jarduera hori test erako azterketa edo antzeko zerbait izango da. Ikastaroa gainditzeko, foroan gutxienez behin parte-hartzea derrigorrezkoa da. Ikastaroa gainditzen duten ikasleek ziurtagiri bat jasoko dute, ikastaroan parte hartu dutela eta ebaluazioa gainditu dutela frogatzeko.



 
http://www.unescoetxea.org/irudiak/Logo_formulario2.png  Izen-emate orria: https://goo.gl/forms/nARnd08eFD0MxOJi1



Informazio gehiago:
Aitana Uria a.uria@unescoetxea.org

 

Antoilatzaileak:

http://www.unescoetxea.org/irudiak/Logo_UNESCO_Etxea_25an.jpg

Babesleak:

http://www.unescoetxea.org/irudiak/Logo_GVvert.gif

 

http://www.unescoetxea.org/irudiak/Logo_diputacion_Bizkaia_2016_V.jpg

 

 

 

Aurrekoa 

 

 

 

 

 

 

 

 

 

 

 

 

 

 

 

 

 

 



UOC PUNTUA
DAME 1' DE REFUGIO
EUROPAKO HIZKUNTZA-ANIZTASUNAREN FOROA
SOStenibles
ADIERAZPEN INSTITUZIONALAK
ESTRATEGIA DE EDUCACIN PARA EL DESARROLLO
ELKARTU ZAITEZ!
IRAUNKORTASUN HEZKUNTZARAKO ESKULIBURUA
KULTURA ETA GARAPENA
EKOSISTEMEN ZERBITZUAK EUSKADIN
GARAPEN IRAUNKORRA ETA INGURUMEN HEZKUNTZARI BURUZKO UNESCO KATEDRA
MUNDUKO HIZKUNTZA ONDAREAREN UNESCO KATEDRA
LURRALDEA, PAISAIA ETA ONDAREARI BURUZKO UNESCO KATEDRA


Laguntzaileak
Bizkaiko Foru Aldundia / Diputación Foral de Bizkaia

Eusko Jaurlaritza / Gobierno Vasco