UNESCOk web leku berri bat sortu du berriki, Kultura eta Garapena leihoari lotuta, Milurteko Helburuak Betetzeko Funtsari buruzkoa. MGHen Funtsa nazioarteko lankidetza bidezko mekanismo bat da, 2006an sortua. Funtsaren misioa da MGHak (Milurteko Garapen Helburuak) mundu guztian bete daitezen sustatzea, eta, horretarako, laguntza eskaintzen die nazio-gobernuei, tokiko agintariei eta herri-erakundeei, pobreziaren eta desberdintasunaren aurka borrokatzeko ekimenetan. Ildo horretan sortu zen, hain zuzen, Kultura eta Garapena leihoa. Hari esker, 18 proiektu abiarazi dira Afrikan, Arabiar Estatuetan, Latinoamerikan, Asian eta Ekialdeko Europan.

Atari berriaren bitartez, beraz, UNESCOk gizartearen eskura jarri ditu kulturako ezagutzak kudeatzeko zenbait tresna eta argitalpen, baita MGHen Funtsaren esparruan martxan jarri diren proiektuen input-ak ere.

Informazio gehiago:

Kulturako ezagutzak kudeatzeko tresnak

Milurteko Helburuak Betetzeko Funtsa